فمان الله يا أغلى ماسكن قلبي فمان الله”
” فمان الله من شخص أظنك صعب تنسينه
فمان الله يا أول حب عاشه خالد بدنياه”
” عرفك زين وأنت يابعد عمره تعرفينه
أجل يومه طفل من غيرك اللي ضمه ورباه”
” أجل من تعّبك ليما كبر وأنت تربينه
أجل من قال : خل نفسك عزيزه والهوان أجفاه”
” توصينه على العز وعلى الفزعه توصينه
أجل من دلّله واغلى غروره حيل يوم أغلاه”
” تهنينه إلى من صاب واليا اخطا تعذرينه
أجل ياكويت من غيرك خذا بيده ومن خلاه”
” يكافح لين يلمس أبعد النجمات بيدينه
أجل من شجعه يومه قصد غيرك وقال الله”
” حفظتي كل شعره من كثر مانت تحبينه
يا أم الخير مامثلك مثيل ولا أظن اشباه”
” عزيزه دار عز ومن نوى عزك تعزينه
فقير الجاه لامن صار وسطك صار عنده جاه”
” وفقير المال لامن قاربك والله ال تغنينه
انا ياكويت من حشمه ترابك ما احب آطاه”
” أحسه طاهر والطاهر إلى من دسته تهينه
أنا توي دريت إن المفارق كايده بلواه”
” وعرفت ان المفارق ينعذر لادمّعت عينه
للشاعر : خالد المريخي
كلماات راائعة في حب الووطن وهاي مب غريب على شااعر حسه مرهف مثل خالد المريخي…
مشكورة اختي دمعة على هاالاختيار الحلووو
والله يعطيج العافية
تسلمين الغالية عالقصيدة ..
وهذا يدل على ذوقج الرفيع ..
والإحساس المرهف ..
دمتي لنا عضوة مميزة في المجالس ..
سلامي لكِ
|
تسلم اخويه عالنقل
