السلام عليكم ورحمة الله وبركاته …
انا كل ما ادخل منتدى في ناس توصل مشاركاتهم في المنتدى إلى أكثر من 3 آلاف موضوع وفي النهايه يقول وداعا يا المنتدى …. :104hj: و في ناس تقل مشاركاتهم ليش كل هذا يا اخي او يا أختي في الله …
كلامي لكم نصائح شخص متواضع ….
1 : سبب خروج عضو من المنتدى بسبب عضو آخر غلط او تهجم عليه بطريقه غير أخلاقية فهو إنسان ضعيف ولايعرف حق الدفاع عن حقه.
2: كتابة المواضيع , يعني الشخص يكتب موضوع ولا يلاقي ردود ويشوف 100 زائر لكن كم رد بسيط فيزعل ويقول بيطلع من المنتدى فهذا لازم ما يحثك على الخروج إنما يحثك على كتابة مواضيع افضل و أحسن وهذا ايضا لايظهر إن موضوك غير لائق و مفيد أنظر و تمعن في الزوار و إنسى الردود لأنه في ناس يردون على المواضيع فقط لزيادة عدد المشاركات فلاتحزنوا يا إخوتي الكرام .
3: موضوعك مكرر و إنحذف .. لاتزعل .. قكر و إكتب موضوع جديد من كتابتك الشخصيه وحاول أن تكون مختلف عن البقية فسوف تلاقي من يمدحك ويشجعك على الأفضل .
4: إحعل هذا المنتدى بيتك ومنبع أفكارك ففيه العديد من الأقسام التي تشبع رغباتك …
5: إحترام الأعضاء وجعلهم كأخوه لك..
6: حاول التنويع في المواضيع و أماكن الردود … يعني لاتكتفي مثلا بقسم الطرائف مثلا او السيارات .. حاول التنويع .
ادري إنني طولت عليكم بهذا الكلام لكن والله من حرقتي على هؤلاء الناس ولا اريد أعضاء هذا المنتدى الجديد والصغير في السن يتفرقون مثل كم عضو إختفوا منه وفي ناس يعرفونهم بسبب مواضيع ماتستاهل .
اخوكم Lamboo .
كلامك صح انا بعد اشوف الناس جي في بعض المنتديات …
بس حبيت اقوول انا معاك يا اخوي lamboo
تحياتي شيطون دبي
اوريدي المنتدى امسواي حق الاخذ والعطا والاستفادة وتبادل الرأي و بالنهاية اختلاف الراي ما يفسد للود قضية 🙂
و المواضيع اللي تنطرح تحتاج تفاعل و تعاون من الكل عشان نستفيد و نرضي الجميع بطرح الردود والاراء النيرة 🙂
و الجميع المفروض يحط في باله ان آلية حذف مواضيع مكررة موجودة بكل المنتدى ومحد يزعل منها لانها طبيعية حتى لو صارتلي عادي بتقبل بروح رياضية .. انها تنحذف احسسن من ان اشوف الردود عليها زيروو لا مقروءة و معروضة قبل 🙂
بالنهاية كلنا مسلمين واخوة ايدنا ع بعض و اللي في هالمنتدى اعتبرهم اسرتي الثانية ويا حلو المنتدى بروح التآلف والمحبة بين الاعضاء من المدير العام لين ضيف 🙂
تسلم اخوي على هذي النصائح …
وهذا دليل حبك للمنتدى . وهالبيت الصغير..
وانا بعد عندي بعض المداخلات ..
في بعض الأعضاء توصل مشاركاتهم فوق ال،1000 .. وتم اختيار مشرف اقل منه بمشاركات .. يزعل ويقول ليش وانا
اجدم .. وانا اكثر مشاركات .. لا يا اخوي اختيار المشرفين يتم عن طريق لجنه .. يمكن في عضو دخل المنتدى
ومشاركاته محدوده بس افكاره نيره .. ويرسل للإداره والمشرفين تعاليم ويخبرهم عن اعطال ومواضيع مخالفه ..
وعن طريق هذي الملاحظات .. يتم اختياره .. ولا تفهمونا غلط :018w:
اخوكم
Mr.Vain
السلام عليكم ورحمة الله وبركاته
أخوي لامبو شكراً لكَ على طرح هذا الموضوع
و هذا ما أراه الكثير من المواضيع فيها الزوار أكثر من الردود ولكن الله اعلم البعض يحب الناس يردون على مشاركاتهم و البعض لا يحبون الكثير من المشاركات
و لديا نقطه مهمه وهي
نقل المواضيع :
الكثير منهم ينقل المواضيع ولا يضع موضوع من نفسه و هذا شيء ليس صحيح المفروض الواحد يحط موضوع من عنده لكي نستفيد من رأيه وكلامه
ولكن إذا هناك شيء مهم ويحتاج النقل في المنتدى يعني هذا أفضل من نقل المواضيع بدون هدف
وإن شاء الله الكل يستفيد من النصايح ما اعرف شو اقول بعد
أخوكم
سيد القلوب
اشكرك اخوي عالموضوع ..
وانا عندي تعليق على سالفة نقل المواضيع .. ماعرف ليش اتشوفون النقل شي مب زين .. كل حد يحط موضوع لازم يكون يايبنه من مكان .. اذا مثلا قريت موضوع و عيبني و يمكن استفدت منه ليش ما انقله! بدال ما اروح اكتب و اتعب عمري! ليش و هو موجود .. النقل في فايده منه .. اول شي ما بضيع الوقت و ثاني شي ممكن احط اكثر عن موضوع و جييه الأعضاء بيستفيدون .. يمكن بعضكم يشوف انه النقل وسيله لزيادة عدد المشاركات، بس مافكرتو ليش هالشخص نقل الموضوع، اكيد لانه عيبه و استفاد منه ويبا يفيد الأعضاء .. مب كل شخص هدفه انه يزيد عدد المشاركات بواسطة النقل .. و انا نقلت مواضيع و عمري مافكرت اني انقل عشان ازيد عدد المشاركات .. و مب كل انسان يقدر يكتب موضوع من عنده في ناس الله عطاهم القدره على كتابة مواضيع و في ناس ماعندهم هالقدره، ولازم نحن نحترم هالشي، واللي مايقدرون ماعندهم وسيله غير النقل ..
سوري طولت عليكم .. واللي يشوف اني قلت شي غلط يقول وبنتناقش فالموضوع عادي ..
والسمــــــــــوحه منكم
السلام عليكم ورحمة الله وبركاته
أختي كلامج صحيح بس انا مب قصدي ان نقل المواضيع شي غلط
انا اقصد منهم بس جي ينقلون اونهم يحطون مواضيع ^_^ ….
وغيره بس اما كلامج عن الاستفاده في نقل المواضيع صحيح عادي يعني ما في أي خطأ
أخوكم
سيد القلوب
اخوووووووي لمبووووو مشكووووووووور على هذي النصايح الطيبه
بس على ما اذكر هذي النصائح شفتها يوم اول ما سجلت في هذا المنتدى الكريم وكانت شروط المنتدى للتسجيل
واذا العضو ما راح يحترم هذي الشروط اول ماهي من اخلاقنا ومن الاحرى انه يطلع من المنتدى
بس يزاك الله خير انك كررتهم يا لمبووووو لان التكرار يعلم الشطار…. احم احم
واذا في اعضاء هنيه مب عاجبنهم النقل… فانا اول واحد مواضيعه ينقلها من منتدى ثاني…
اول شي ليش لاني ماعندي هذيج القدره على الكتابه وثاني شي انا انقل من المنتديات الكبيره والمتميزه
والسموووووووووووووووحه منكم
ولد المعلا
|
أشكرج إختي على المرور .. وانا مب قصدي إنه الإنسان لازم ماينقل مواضيع. لا بالعكس ينقل بس يقول من وين المصدر فقط …
