السلام عليكم ورحمة الله وبركاته
طبعا .. بعد اكتشاف مواد يديدة للتجسس .. انا قلت ماباخذها لانها يوم اول ماتنزل بتكون غالية فرحت وخذت مال جيمس بوند .. وتجسست لكم .. وحصلت وصفة ايسكريم جلاكسي .. يمي يمي 
ice cReAm الـجالكســي …
المقادير:
2 كيس دريم ويب
2 كيس كريم كراميل
2 علبة قشطة
1 كاكاو جالكسي مبشور أو جالكسي (ريبل)
2 علبة حليب سائل(أبو قوس أو أي نوع آخر)
بسكويب بيتي بور أو أي بسكويت شاي آخر
الطريقة:
تخلط جميع المقادير ماعدا البسكويت في الخلاط حتى يصبح الخليط متجانس..
نأتي بصينية بايركس نصف فيها البسكويت بعد ما نغمسه في حليب بودرة مذوب في ماء .
ثم نضع عليه الخليط ثم نضع طبقة أخرى من البسكويت و هكذا حتى تصبح آخر طبقة هي طبقة الخليط..و توضع الصينية في الثلاجة .. و بالهناء و الشفاء
ملاحظة :
يمكن استخدام أي نوع آخر من الشكولاته مثل الباونتي او أي نوع من كادبوري و ان شاء تكون أكلة لذيذة و حلوة.
و يمكنك عدم استخدام أي من الشكولاته و بذلك تصير آيسكريم بس و يمكنك أن تضعي فواكه مشكلة بين طبقتي البسكويت و الخليط..
و مرة ثانية و ثالثة ………. و مليون بالهناء و الشفاء ..
منقول لعيونكم
سعيد 
والحين بدأ الحــــــــــــر في بلادنا
يبالنا شي يبرد علينا
سلامي لك
هلا هلا مامي ..
مشكورة على ردج ومرورج …
فمان الله ..
وإن شاء الله راح نسويها في البيت …
بس من ويين يايب الخلطه …يلا اعترف ؟؟؟؟
والسموحه …
سعود بسك من التجسس آخر مره لحقتني الشرطه وقالتلي الحقي اخوج الصغير سارق وصفات من مطابخ الخلق .. ياخوي انت ماتيوز من سرقه الوصفات .. اشك فيك امسوي عصابه لسرقة الوصفات وامسويلك تجارة بيع الوصفات << كان ظني في محله الأرباح النص بالنص ..هههههههههه
تسلم سعوووود ع الوصفة الحلووووووه ..
والآيس كريم يا ابوقته .. بيبرد علينا اشوي من هالحر ..
عساك عـــ القوة دووووم ..
وبانتظار السرقات اليديده اقصد الوصفات ليديده ..
شكله فل اوبشنيشن
هلا الغزال ..
العفو العفو .. الوصفة من مكان سرري .. اذا قتلج ادريبج بتخبيرن الشرطة عقب بنتورط خخخ .. يسلمووو ع ردج..
دلوعة راك ..
الله يسلمج .. مشكورة ع المرور ..
قلب الطفل ..
والله انتي اللي مطرشتني هناك .. لا وبعد تنكرين خخخخ لالا انا فظحتج .. بس يلا مابقبل النص بالنص الارباح 90% لي و 10% لج زين ؟ خخخخخخخخخخ .. مشكوورة اختي العودة على ردج ومرورج ..
مع السلامه
