فضيحة طالبه امارتية في الثانويه
بعد التحية والسلام….
….اليكم هذه القصة الغريبة التي يقشعر لها البدن
القصه تقول ان فيه بنت تدرس في الثانويه واسمها (عبير ) مره راحت السوق مع امها
وقابلت واحد ورقمها المهم خذت الرقم واتصلت عليه تعرفت عليه وهو اسمه (خالد) تعرفو علي بعض وزادت العلاقه وقويت بينهم … كلن منهم يبي يقابل الثاني ولا لقو طريقه وفجأه جت فكره لخالد…
قال اقول عبير ليش ما نتقابل عند المدرسه ..
قالت عبير:: كيف وضح؟؟؟
قال :اسمعيني انتي ابوج ينزلج الصبح ويروح الدوام صح؟
قالت :صح ..
قال انا امرج وتركبين ويايه
قالت بس المديره بتتصل على البيت
قال :: افصلي التليفون وارتاحي
قالت::بس خايفه اتوهق
قال جربي ونشوف
المهم راح ابو عبير ووصل بنته للمدرسه و راح .. وثواني الا وخالد واقف وركبت
عبير بسرعه وراحوا يفطرون في الكوفي شوب الفخم و يلسوا يسولفون ويوم تمت الساعه 12:15
راح خالد ونزل عبير ورجعت البيت وهي خايفه بس محد درى .. وكلمت خالد على طول وقالت ان اهلها ما دروا وطمنته وسولفو شوي وقال خالد شو رايج اقابلج باجر بعد ..
قالت :لالالا هب كل مره تسلم الجره
قال :عاد هالمره يايب لج هديه ولا ترديني
قالت :مر واشوف الوضع
ومر خالد في الوقت نفسه وركبت عبير
المهم تموعلى هالحال اسبوع كامل من السبت لـ الاربعاء …
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت ام عبير (يالله صباح خير)
ام عبير:الو
المديره ::الو السلام عليكم
ام عبير :عليكم السلام من تتكلم؟؟
المديره::انا الاستاذه هدى مديرة المدرسه اللي تدرس فيها بنتج
ام عبير::هلا عسى ما شر
المديره :لا ما فيه الا الخير بس عبير لها اسبوع ما داومت عسى ماهي مريضه ؟؟
ام عبير ::كيف …((وصرفت الموضوع)) ايه الله يسلمج البنت مرضت شوي بس
المديره :: زين الف حمد الله على سلامتها مع السلامه ::
ام عبير دارت بها الدنيا وما تدري وش تسوي هل تعلم ابو عبير ولا تمسك البنت وتسالها ؟؟..؟؟
المهم قالت لابو عبير عن كل شيء وقال اسمعي لا تقولين لها اي شيء انا بشوف وين تروح…
ويوم الاحد وصل ابو عبير بنته ومشى شوي وصفط يمين الا هاك االلكزس تمر وتركب عبير بنته المهم اللكزس كانت مضللله ومشى وراها ابو عبير الين هاك الشقق ونزلت عبير وخالد ووقف ابو عبير ونزل ومسك راعي الشقق وقاله في اي شقه ؟ وعلمه شقه 14 وطلع ابو عبير وهو يرقى الدرج كان خالد نازل وما انتبه ابو عبير له المهم طق الباب وفتحت عبير وانصدمت
يوم شافت ابوها وضربها وهي هجت للمطبخ واخذت السكينه تبي تروع ابوها وغلطت وطعنته في صدره وطاح الابو مغمى عليه وجا خالد وشاف الموقف وقال لعبير بسرعه شيلي معي للحمام
وحطوه في ((البانيو)) وملوه مويه وحطو عليه صابون الغسيل عشان الرغوه وطلعو
ورجعت البنت للمدرسه وهي تفكر في اللي صار حقيقه والا خيال ..المهم طلعت من المدرسه ورجعت مع الباص وطقت باب البيت الا المفاجأه الغريبه ابوها فتح لها….
وصاااااااااااحت وقالت ::ابويه مو معقول
رد أبوها :
مع تايد الغسيـــــــــل ما فيش مستحيـــــــــــــــــــــــل
ههههههههههههههه
واتمنى من كل الفتيات انهم يتحذرون من الشباب الطايشين
والله يحفظ لنا بناتنا واخواتنا
اللهم امييييييييين
“منقــــــــــــــول”