الوسم: الثاني

فــــااااصــل

ها الشخصيه ما كتبت عن طبيعة يومياته و الحين بقول بالمختصر عن حياة حميد
حميد مدمن ع المنتديات و النت و التصوير
حميد وكل وقته يالسه ع احـدى المنتديات اللي مشترك فيها
وينزل صورة من صوره
وفـ المنتدى الثاني منزل تصميم
والثالث موضوع عام
حميد يتميز باسلوبه الرااقي

ونكه فـ كل المنتديات راقي بأسلوبي << نك من خيالي
حميد من اشـد المعجيبين بسلوب احد اعضاء ونكها إبداعي يميزني << بعد من خيااالي
وكان يحب أن يرد ع مواضيعها وينتظهر ردودها ع مواضيعه
انشوووف الايام شو كاتبه لحميد مع ابداعي يميزني
ومن الجهة الثانيه

بختصر الكلام عن ابداعي يميزني
هي شخصيه اتحب عالم النت من كل النواحي مدونة مواقع اتحب تقـرأ و اتشوف واتصور واتصمم وتكتب شعر ….
و فـ نفس الوقت مهتمه لدراستها واتحب ربعها وكل اللي وياها ف المنتدى ومتابعه نظامها اليومي بين الدراسه واليلسه ع النت

تمشي ميثا بخطوات متردده الين ماوصلت لـ باب غرفة اختها عايشة و هي بعدها تفكر بردة فعلها لو شافتها و عرفت الي ف خاطرها ,, قررت تنهي كل هالخوف و التردد و تدق الباب :
طق طق طق
عايشه : اتفضل جاسم ,,
ميثاء بـ تردد :لا ,, انا ميثاء
عايشه و كل معاني الاحتقار مرتسمه على ملامح ويهها : الله ياخذج قولي اميييييين ! شو اتسوين فـ حجرتي ؟
ميثاء وعيونها شوي وبدمع بس يودت عمرها : عواش انا يايه بقولج موضوع وبيريحج وبيخليج تتغيرين ان شاللهـ.,
عايشه بكل برود : اللي يريحني بعادج من ها البيت ,, يالله برع ,,
ميثاء و هي مصممة تسمع عايشه كلامها : بقولج شي ,, اسمعيني ,, بخليج تتغيرين ,,
عايشه و هي بدت تتنرفز أكثر :و الله انا اطباعي عايبتني و ما ابا اغيرها و ليكون تتحرين عمرج فوزيه الدريع و يايه تحللين شخصيتي وتغيرينها على كيفج ,, برع برع بسرعه ,,
ميثاء و عيونها تغشيها الدموع و بنبرة رجاء : عـواش ..عـ..ـو اش ..
عايشه بحزم : عواش ف عينج ,, ازقريني عايشه ,, ويعه ان شالله ,,
ميثاء و هي مب قادره تتماسك أكثر : عايشه والله اني ما ابا فلوس ابوي والله ما اباها خذيهم كلهم ,,
عايشه باستنكار : فلووس شو اللي تتكلمين عنها ؟
ميثاء و بانفعال : مب صح انتي تكرهيني لان ابوي عطاني كل الفوس؟
عايشه و هي استوعبت الموضوع : تشوفيني حافية منتفه عسب أحط عيني على فلووسج انا اكرهج لان امج غير عن امنا وانتي مب اختي ,,
ميثاء بضعف : بس ابوي هو ابوج ,,
عايشه بعصبيه ,, تعطي ميثا ظهرها و تكمل : ها الغلطه اللي سواها ابويه فـ حياته يوم خذ امج المينونه ويابج ع ها الدنيا,,
ميثاء و هي ما تتحمل أي حد يغلط على امها : لو سمحتي لا تغلطين ع امي!
عايشه و هي تضحك بشكل ينرفز : يا سلام ,, اتحبين امج ,, سيري عندها البيت ليش مخلتنها بروحها ؟
ميثاء و هي فاقده الامل في عايشة : انا بسير يوم ان ها اللي يريحج ،،
عايشه بنبره طنازه : كلللوووووووووليش ,, فكه ,, درب الي يودي ,,
سمعت ام جاسم هالـ حوار كله من ورا الباب ,, و هي كانت سايره غرفتها ,, لكنها يوم سمعت صوت ميثا في غرفه عايشه وقفت تسمع بكل فضول ,, لكن جملة عايشة الاخيره

نرفزتها و خلتها اتدش الغرفه و عيونها شوي ويتظهر منها الشراار : الصراحه ما عرفت اربيكي ! وتعطيها هاك الكف اللي يعق عايشه ع الشبريه ,,

نزلت ام جاسم ايدها بعد منظر بنتها و هي طايحه ع الشبرية تتالم من صفعتها ,, الالم الروحي غطى على المها الجسدي ،،
تراجعت بكل خوف ميثا .. لانها اول مره تشوف ام جاسم منفعله لدرجة انها تمد ايدها ع واحد من عيالها ,,
و عايشه الي كانت منصدمه من موقف امها بدت تصيح ,, قالت بصوت عالي : اطلعوا برع حجرتي ,, اطلعوا برع
نزلت ام جاسم عيونها و لوت ع ميثاء و طلعتها برع ,, و صكرت باب الغرفة وراها ,,

ميثاء وهي اترمس مرت ابوها بكل ندم : ليش جيه سويتي ؟ الحين بتكرهني زياده ليش حرام هاي بنتج !!
ام جاسم و بعدها معصبه : هاي محدا عرف يربيها ,, لا انا ولا ابوها اتركيني اربيها ,,
ميثاء و معاني الندم في عيونها : انا احبها و الله ,, واحبج انتي بعد ,,
ام جاسم : وانا بعد احبك يا نظر عيني ،،
ميثاء و هي تبتعد عن حضن ام جاسم : انا بسير عند امي عليا اليوم ,,
ام جاسم بحزن : ليه يا بنتي خليكي هوون عدنا !
ميثاء : لا ما ابا اتم دام وجودي يضايق وحده من هل البيت !!
ام جاسم وهي تقوم من مكانها ومب حاطه فـ بالها ان ميثاء جاده ف كلامها : الله يهديها الله يهديها ..،،

تمسح دموعها ميثا و توجهه لـ غرفتها ناوية اتلم اغراضها و ترجع عند امها

ياخوي بي همٍ يسكن القلب ويعــله
همٍ أكبر مني وأنا تويصغيــــر
جفت عروق قلبي من حـــزن يتله
وتملاعيوني دمــوعٍ همايل غزيره
اسكت…أخفي حزني عن خلــــقالله
ماودي يفرح بهمي حسادٍ كثيـــره
وأنا بقيتوحدي أتذكر كل دق وجلـــه
أتذكر ماضينا وأبكي وأقول علها خيره
لا تذكرته ؟؟ انساق دمع عيني وأهلــه
ويذوب قلبي حزن لاتذكرت نظرتهالاخيره

.
.

ترن ترن ترن ترن ترن
ماريا : نعم
محمد والصوت مب واضح : الوووو
ماريا وهي بعد الصوت مب واضح عنها : نعم
محمد بد يفقد اعصابه : ويعه نعم ونعم سيري ازقري ماما ماريا انا محمد
ماريا والفـرحه ع ويها خاطرها اتزعج : محمد انت وين الحين 7 شهر ما في شووف
محمد بكل غروور : وحليلج يا ماريوه متوله علي انتي بعد اعرف حبيب وين ماما
ماريا عيبتها السالفه وخاطرها اتسولف : خخخخ والله شوق وايد في داخل كل بيت حق انت
محمد فقد صبـرهـ يعرف خدامتهم : اييه يا الكشه وين ماما ما ارمسج من الحجره انا
ماريا ببـرود : انت وين عيل
محمد مل من غباءها : ف فلبين عند بابا ماما مال انتي
ماريا وعليا مستانسه وجان اتصدق : خخخخخخ ماما مافي داخل بيت وبابا سير بعد بس خوله نوره عمر خلود بابا سلطان ما ادري وين ماما شيخه مادري وين
محمد : تقرير ماشالله ازقري خوله
ماريا :انزين بابا
ماريا بكل بروود : خوله خوووله
محمد فقـد صبـرهـ ع الاخــر : الله ياخذج قولي اميين سيري عندها فوق ما بتسمعج ويا الرااس
ماريا خافت : انزين بابا
وقـامت تـركـض

محمد اتعكــر مزاحهـ من ماريا : ويعه ان شالله خ اسكر وادق عقب شوي اعرف خولوه ساعه لين ما تنزل

فـ احـد غـرف بيت أبـو سلطـان فـ عالم اخـر عالـم الالـوان و الاستمتـاع والاستفـادهـ والابـداع
نـورهـ ،، مستلقيهـ وتبـحث هنـا وهنـاك عن شـي تقـراه وشـد انتباها قصيـدهـ لشاعر

] سعــد بــن جــزا [..

وحبـت ان تنقلهـا إلى المنتـدى ..

خلّي هجرني تكفى ياموت زرني
وإن ماقدرت دلّني مكانك وأنا أجيك
ما أبيحياتي دام خلّي هجرني
ما أبي حياتي دام يقول ما أبــــيك
ايه يدري بظلمالناس يدري وظلمني
وأكدّ كـلام اللي يقولون ناسيــك
لكن قبل لا تآخذالروح منــــي
أبسأل حبيبي كم سؤال وأخــــاويـــك
وشلون قلبك ياحبيبي تركني
وتدري خفــوقي كم له سنــين هــاويك
وماتدريبعادك وصدك ذبحني
وما تدري عن دمع نثرته وأنا أرجــــيك
اسأل جميع الناس وش صار عني
هاذي حقيقه بعض مامنك جتني
وبعض الذي أسقيتني سم بيديك
ماكنت ساكت خايف بس مني
ميت بحبك ماأقدر أزعلك و أشقيك
حرّمت أقولكمن محبتك عطني
مادام غيري في محبته مرضيك
أببعد بعيد وأوعدك ما أحنّي
أبشر أببعد ومعحبيبك أخليك
وأبي مماتي ياخذ الروح مني
تارك لك الدنيا بها الله يهنيك
وإذا سأل الإنسان عني

قل له توفى والسبب طعنبيديك !!

نــورهـ تنتظـر رودود الاعضـاء بكـل حماااس و بأخـص تنتتظر رد صديقتها ] العنـود [

………………………………………
خـوله وأمامها الكتـب و الكـراسات والاقـلام والالــوان
ماريا أمام باب غرفة خولة تريد استغـال اتصـال محمد بفائدهـ وهيـا تفكــر قليلا
ماريا وهي تغمز بعيونها : فكـره وااجد حلووه
ماريا ادق الباب ع خوله : طق طق طق
خوله مالها خاطر ابـدا تفتح الباب : منووووو
ماريا بكل فخــر وبصوت عالي : انا ماريا
خوله وهي مستغربه : شو تبيين ؟؟
ماريا وهـي وايد مستانسه : افتج باب انا قول
خوله انصدمت تتامر علي هااي : برشها كف ع ويها افتح باب اونه خ افتح واشوف شو عنها ها الكشه
خوله فتحت الباب وهي اتشوف ماريا شو عنها : خيير مداام ماريا
ماريا وابتسامه عريضه ع ويها : خوله انا عندي خبر حلو حق انتي ؟؟
خوله اتحمست خبر حلو : قووولي انزين
ماريا بتنفـذ فكـرتهـا : كم يعطي فلوس ؟؟
خوله وهي منصدمه ومستغربه : والله انتي مداام البيت مب ماما كم تبين مدام
ماريا زادت الابتسامه ع ويها : انت كريم انا يستاهل !!
خوله مول مالها خاطر وبكل عصبيه : ما تبين طراقات وبكوس ع ويهج
ماريا استغربت توه في اوكي : اووو خوله انتي وحش !!
خوله بتنفجـر من ها الخدامه : وحش ياكلج قولي امييين قولي اللي عندج يالسه اكتب الواجب
ماريا ملت من خوله من كثر ما اتزعج : خلااص اكتب بعدين انا قول
خوله : فكه
ماريا وهي اتفكر باللي كانت تبها من خوله : لا لا لازم حين قول بعدين ما يستوي
خوله غمضتها ماريا من الصبح اتزعج عليها خ اسمعها : انزين قولي شو تبين شو عندج ؟؟
ماريا وابتسامه عريضه : انتي قول منو توه سوي تلفون تحت
خوله بدت تتملل ما اتحب حد يلف ويدور عليها : ريلج الاشلق اكييد
ماريا وهي محمره : لا ما في ريال مال انا
خوله وهي تضحك : مب ريلج ومحمره الله يستر يالله قولي منوه والا ببند الباب ف ويهج
ماريا بفخــر : محمد
خوله مستغـربهـ : منو محمد
ماريا بكـل فـرح : اخو مال انتي محمد سوي تلفون الحين تحت داخل سماعه
خوله بكل عصبيه من ماريا وغباها الزاايد : ويعه تاخذج قولي اميييين ومعلقتنه ع السماعه يعلج الموت
وهي تركض زين ما طاحت من الدري اخوي حبيبي والله من متى مب مرمستنه تولهت عليه الله ياخذج يا ماريوه ..

ويوم وصلت خوله عند التفلون وخاطرها تولي ع السمااعه من الفـرحه
خوله بكل وله : الو الو الوووووووووووووووووو
توووووووووووووووووووووووووووووط

بندت السماعه والنار في عيونها : ماريووه يعل لسانج القص قولي اميين اكوه بند ارتحتي
وهي تتقرب من ماريا ،، بس سمعت التلفون يدق
انقضها التلفون ماريا والا جان راحت فيها
خوله بصووت عااالي مملوء بالوله والحب : الووووووووووووووووووووو
محمد وفرحاان بسمااع صوت خوله : هلااااااااااااااااااا والله هلاااا بها الصوووت فديت روحج
خوله وبدت ادمع عيونها :حموووووووووووود متى بتي اتولهت عليييييييييك
محمد يطمن اخته : وانا بعد والله بس يالله هانت باجي 3 شهور
خوله : تعال ياخي البيت من دونك مب حلوو والله كل حد ف حاله ملييت
محمد يبا يغايض اخته : حبيبتي والله انتي شدي حيلج في المذاكرة
خوله : محمد لا تستهبل انا محتاجتنك وااايد
وسمع محمد صوت اخته بـدأ يتغير
محمد غمضته اخته وقال يغير الموضوع : خولووه لا اتسوين ها الحركاات شارلج هديتج

في مجـّيـك حـشـيـم وفي مراحـك حـشــيـم
وســــّـع اللهلـمـثـلـك بالــغـــلا مــذهــبي

وهي يالسه تمسح دومعها
خوله : تولهت عليك يا الحمار ياخي صوته يعطيني طاقه خخخخخخخخخخخخ عنبو مب محمد خ اسير اكمل كتابت الواجب ……
.
.

فــ احـلــى مووول وأرقــى المحــلات ،، مكــان يجمـع كـل النـاس مـن جميـع دول العـالم ،، فـ الكـوفي شووب والابتسامه تنتقل من اهنه لين هناك يا سلااام

شيخـه يالسهـ ومبتسمـهـ لكل اتعرفهـ ما اتعرفهـ ابتسامتها هي الاهـم
واربعتها سمر سرحااانهـ اتشووف اليهال

فجر: شووويخ
شيخه برقهـ : هلا
فجر: تعالي ليش ما حملتي لين الحين ؟؟
شيخه تنرفزت شوي بس ما تبا اتبين : شو ها الطاري الحين
فجر: بس اشوف اليهال وقلت أسألج
شيخه بعدها مبتسمه بس لايعه جبدها من كلام اربعتها : الله ما رااد اني احمل
فجر: ربي يرزقج بالعيال
شيخه شوي وبتحرج بس سكتت ولا ردت : ……
فجر: قولي اميين انزين
شيخه متنرفزهـ خلاااص :فجر عنوني وانتي ليش ما اتزوجتي لين الحين بعدج عانس
فجر عورتها الكلمه : الله ما رااد لين الحين
شيخه : هييه الله يرزقج إن شالله بولد الحلال
فجر: اميين
شيخه ضحكت : احسلج لا تزوجين شو تبين بعور الراس عيال وريل انتي الحين تظهرين واتسرين واتردين امج واثقه منج مب شرات امايه ما اتخلينا نظهر عسب جيه اتزوجت
فجر وهي مستغربه : الحين انتي ما عندج عيال وجيه اتقولين وبعد الريل ستر حق البنت
شيخه : دخيلج لاه عور راس وين سايره وين يايه لازم تكسرين الريال عسب يتم خاتم ف صبعج
فجر: اعوذ بالله منج ومن رمستج
شيخه : بس بس خ انطب احسلي واشوف العالم
فجر اتضايجت من شيخه بس بعد هي اربعتها من اياام الدراسه واتحب اتسولف وياها حتى لو شو فيها شيخه :يالله بنسير

شيخه : ليييش توه الناس
فجر: تأخرت ع البيت
شيخه : عادي شو وراج عيال ريل
فجر مب قادره تتحمل كلام اربعتها المهين : لا ما وراي شي بس امايه قايلتلي ما اتاخر
شيخه : يااربي يالله انزين خ انسير
فجر وهي ودها اتزعج اتصيح : يالله

وكـل واحـد رااح لحالهـ شيخه راحت وهي ضااايجه مب عسب فجر لا ، ضااايجه لانها ما تاخرت ف المول وبترد البيت من وقت اتجابل ريلها ،

بس فجر اتضااايجت من كلااام شيخه ومن تفكيرها عن العيال .. وتمت تدعيلها ان الله يهديها …

فـ احـدى الغــرفـ الممتـلاء بدمـووع والحـزن فـ مكاان مظلــم لم تشـرق به الشمس
قـلب حـزيين ع ما يراهـ ،، قـلب محـب مخـلص متفـاءل بأن تحـي حب فـ قلب اختها الجامد ..

ميثاء وهي يالسه ع الشبريه ولاويه ع المخده واتصيييح من خاطرها ان بتخلي البيت اللي اتحبه بتخلي اخوها جاسم وهي اتصييح
ويدخل جاسم ويشوف اخته بها الحاله اول مرهـ يشووف اختهـ بها الطريقـهـ
سارت ميثاء وغطت ويها بالمخدهـ ما تبا حـد يرمسها شو بتقولهم كله ها من اختـي خ اتـم ساكتهـ احـسن
جاسم بكـل اهتمــام : ميثاء حبيبتي بلااااج ؟؟
ميثاء دقيقه صمت : ماشي ضايجه بس !!
جاسم وهو يعـرفـ اختهـ كتومه ومستحيل تـرمس بس بيحـاول : حد ضايج عاشووه قالتلج شي ؟؟
ميثاء وهي اتصيح بقوه أول ما سمعـت اسم اختها واتذكرت كلامها : لااااااااااااااا
جاسم وهو مصـر إلا يعـرف اختهـ شو فيها : عيل منوه اميه حمده شي قالتلج
ميثاء تبا تنهي الموضوع :محد محد روحي
جاسم وهو مش مصـدق اختهـ : كيف محد انتي فيييج شي ؟؟
ميثاء ومب قادره ترمس وتلوي ع اخوها واتصييح من خاطرها
وجاسم مستغرب اول مره يشوف اخته جيييه ما اتهون عليه لازم يعرف شو فيها
جاسم بحناان : حبيتي ميثاء لا اتصحين قولي شو يعورج شو فييج امج فيها شي
ميثاء وهي بعدها لاويه ع اخوها وما ترمس
جاسم ويخوزها لازم يشوف شو فيها اخته ما اتهوون عليه
جاسم يردد كلامه : حبيبتي ميثاء شو فيج
ميثاء بعد فتـرة صمت طـويله وهي اتحرك راسها بنفي
جاسم مستغرب : مستحيل اكييد فييج شي
ميثاء وبدت ترمس وهي اتقطع ف كلامها : أبـ ــ ـا منـ ـ ـك خـ ـ ــدمه
جاسم صدق انها ترمس بكل لهفه : امريي ادللي لو تطلبين عيوني بعد
ميثاء بحـزن : ابا اسير عند امي عليا
جاسم وهو مستغرب : الحين
ميثاء بحسـره و بكل اصـراار : هي الحين
جاسم يحاول انه يقنعها : انزين باجر يوم بتردين من المدرسه
ميثاء مصـرهـ انها اتسير ما تقدر اتم : ما ابا الحيين يعني الحين
جاسم وهو يشوف اخته : اللي يريحج يعني ما بتقولين اللي فييج ؟
ميثاء مصترهـ ع كلامهـا : ابا اسير عند امااايه
جاسم بيأس : ان شالله غيري ثيابج و انا اترياج برع

وطلع جاسم وردت ميثاء لنبوبه البكاء ……

طلع جاسم من الحجره شـافـ البيـت كلهـ في شي شافـ انسانه ما يروم يشـوف الدمـوع ع عيونهـا يشوف الكـل إلا هي امهـ ،، امهـ هي نـور ها البيت

جاسم وهو منصدم : اماايه
ام جاسم ودموعها ع خدها اول ما سمعت صوت ولدها مسحت دموعها : مرحبا ياولدي

خلص البارت ها ال 2
شو سالفة شيخه وليش الكل مستغرب من يلستها ف البيت
سلطان وسؤاله لاخته شو يبا منها
نوره والعنود ونهايتهم مع المنتديات والنت
جاسم بيعرف شو فيها اخته ميثاء وشو بيسوي ف عايشه
ميثاء وبعدها عن بيت ابوها ونفسيتها شو …؟ ؟
شيخه ليش ما تبا اتييب عيال ؟؟ وسلطان ؟؟