الوسم: السمبوسه

انييب عجينة الجلاش ونفردها في صينيه
ونذوب الزبده بدون مقدار على حسب اللي نحتاجه

وفي الصينيه انحط شريحه وحده
بعدين ندهنها بالزبده وبعدين شريحه ثانيه
ونقطعها بالسجين بالطول بمقدار ثلاث اصابع من اصابيعي (ههههههههههههه)
لا بمقدار خمسه سانتي

بعدين نقصها من النص بالتساوي

الحين ناخذ الشريحه ونقطع جبن الكيري اربع قطع
ونحط الجبن على طرف الشريحه من تحت بالزاويه

ونبتدي انلفها مثل السمبوسه

وتصير في النهايه بالشكل هذا

اللحين انييب صينية الفرن وندهنها بالزبده ونصف فيها السمبوسه وندخلها الفرن من تحت

معليش السمبوسه سوت سكيت في الصينيه واعتفس شكلها هههههههه

وانا مرات أحط فستق من فوق

وأول ما تطلع السمبوسه من الفرن نشربها بالشيره على طول

بعدين نحط عليها الفستق

وهاي هي في النهايه

السلام عليكم ورحمة الله وبركاته

هاذي السمبوسه انا متعود اسويها بين فترة وفترة والصارحه عجيبة وخطيرة ومحد ماذاقها وقال ما اطيبها خاصه لعشاق السمبوسة والاكل الهندي ….. وياليت تجربون الحشوه تراها لذيذه حتى من غير السمبوسه لانه ممكن ناكلها مع خبز الجباتي .

مقادير العجينة :
2 كوب طحين رقم 1 ، 3 ملاعق اكل زيت ، ملعقة صغيرة سنوت ( اختياري ) ، ملعقة صغيرة بهار كاري ، رشة ملح ، ماء للعجن .
مقادير الحشوة :
3 حبات بطاطا متوسطة ، 3 اعواد كل من كزبرة وبقدونس ونعناع مفرومين ، خردل حب ، 4 اوراق الكاري بتا الطازجة مقطعة صغار ، نصف ملعقة صغيرة سنوت ، ملعقة صغيرة كلن من الكركم وبهار الكاري و الفلفل الكشميري او الفلفل الاحمر الحار ، بصلة متوسطه مقطعة مكعبات صغيرة ، 3 فصوص ثوم مهروسه مع شوي زنجبيل .

الطريقة :
1 – تقشر البطاطا وتقطع مكعبات صغيرة وتسلق حتى تستوي تماما ، ثم تهرس ، وتترك جانبا .
2 – تخلط مقادير العجينة سويا مع اضافة الماء بالتدريج حتى نحصل على عجينة غير ناشفة ولا رخوة وحتى لو كانت تلزق باليد شوي مب مشكله راح تعتدل لما ترتاح . تغطى وتترك لترتاح 15 دقيقة جانبا .
3 – في هذي الاثناء نبدأ بتحصير الحشوة : في مقلاة نحط شوي زيت تقريبا من 3 -4 ملاعق اكل ، وعندما تحمى الزيت نحط له حبوب الخردل ونخلية لما نسمع صوت التكتكه الصادرة منه ثم السنوت والكاري بتا وبعدها بثواني نحط البصل ويقلب حتى يكاد يميل للون الذهبي ثم خليط الثوم ويقلب قليلا ، وبعدها ننزل بالبهارات والبطاطا المهروسه وتقلب وتنكه بالملح واخيرا خليط الكزبرة . ويرفع من النار وتترك جانبا لتبرد .

3 – نرجع للعجينة بعد ما ارتاحت واذا شفتوها طرية شوي بس بمجرد الدعك عليها شوي باليد راح تشوفونها اخذت شكل ثاني واحسن من ماكانت عليه سابقا . وعلى سطح مرشوس بشوي طحين نمد العجينة ونقطعها على شكل دوائر .

وحشى كل دائرة بملعقة من الحشوة ، وتقدرون تكورون الحشوة على عدد حبات السمبوسه شوفو الاريح لكم .

وبعدها تطبق طرف من العجين على الاخرى حتى تاخذ شكل الهلال
ونضغط على جوانبها بالشوكة ، منها حتى لاتخرج الحشوة ومنها تعطي شكل جمالي للسمبوسه.

وتصف في صينية واسعة وانا افضل الصراحه ارش الصينية بشوي طحين قبل لاخلي عليها السمبوسه عشان ماترطب من تحت وتلزق بالصينية .
4 – في زيت غزير وساخن تغلى حبات السمبوسه حتى تاخذ اللون الذهبي الجميل ثم تصفى في مصفاة او على ورق ماص للزيت للتخلص من الزيت الزائد .

وبالعافية عليكو