مشاكاةالشاعر
قلبيه بوحميد م العامـي …. تعصف ابه ريح لسهومي
يوم شطّه خشف لريامـي …. سولعي كانس ف لحزومي
غرنجيّن ولـد لكرامـي …. من عريب اليَدّ والقومـي
نافل ابوصفه عن اقلامي …. مثل حرّن فالسما ايحومي
كم سقاني حبّ واغرامـي …. وكم طبّب يرح واسقومي
لين صرنا ظفر وألحامـي …. ماتفارقنـا ولـو يومـي
غير ناسه يابوْ اسقامـي …. سبّبوا ويجي ولهمومـي
حين ردوْ ظبـي لعدامـي …. واظعنوا لبـلاد بعزومـي
آه كيـف ازيـد آلامـي …. والصدر به ضيج مكتومي
من يطفّي يَمريه الحامـي …. يوم ريج الزين معدومـي
ياصديجي بريَد اعظامـي …. نسمة الياهـي ولنيومـي
والوله والشوق بي ضامي …. مثلما بيدن مع اوسومـي
ليت من زهرات لخزامـي …. يانيه مطراش بالدومـي
كان ماطالت بـيَ ايامـي …. واستلذّ الموق بالنومـي
ردية الشاعر الوسمي:
مرحبا بـه ولـد لكرامـي …. مرحبا به دايـم الدومـي
من نصاني لو شكى ضامي …. مانـرده غيـر ملزومـي
إلـتـزام اولاد لعمـامـي …. للقا عن فرقـة الشومـي
تشتكي لي يالخوي ضامي …. من فراقه حلـو لوشومـي
لي فقلبـك ارّث اعلامـي …. غثّ طيفه نـوم لحلومـي
حيث وصله لك من العامي …. طالبنه فـرض محتومـي
غير وصله خالط اعدامـي …. طاح جانك طالب اتقومـي
البخـت مايـاك متسامـي …. وانت منهم صرت مضيومي
الصبر ياخـوي باعزامـي …. تظفره لو كنـت مظلومـي
من شراتك كيـف ينلامـي …. في هوى لي صار معدومي
وآنا مثلك تكفـى لآثامـي …. مبتلي في حـب لريومـي
لي هواهن سبّب احطامـي …. وطحت اشكي هم واسقومي
فالحشا جرحي غدا دامـي …. غير صبري كفوة اللومـي
ياعساك ابخيـر وانعامـي …. وتهتني قربه على الدومي
ترتشف من رشفة ازهامي …. تغتمر من عقب لعسومـي
والعفـو ياولـد لكرامـي …. جاك ردي بالعنـا يومـي
كل واحد قصيدته اقوى من الثانيه
تسلمين اختي القصايد
المستحيل
دلوعة السمحة vip
مشكورين على الرد
تسلمييين يالغالية ع القصايد
و نتريا يديدج العجيب
وزميلنا الشاعر الوسمي شاعر رائع
اتمنى لو انه واصل مشواره الشعري ايضا بجانب الفن
ويغني من كلماته
يعطيج الف عافيه
