السلام عليكم والرحمة
اشحالكم ……علومكم …….عساكم بخير
حبيت اطرح لكم موضوع احب ان يكون بينا حوار ومناقشه جاده فيه
ونشوف السلبياات فيه .
وبما ما عندكم قسم للمناقشه والحوار اظني الموضوع يكون طرحه بلعااام
وابغي الكل يشاركنا ونبغي نشوف منكم التعليقاات .
ليش يكتم الأبناء أسرارهم عن والديهم؟
في كثير من المواضيع يعجز الولد عن مصارحة والده أو والدته بها فيكتمها أسراراً في قلبه عن أقرب الناس إليه، ومن ثم يلجأ لأقرب صديق له ليبوح بها.
اللي نعرفه ان الاب لازم يصادق ابنه والام تصادق بنتها لان الام تكون اقرب للبنت وانا في راي ان الوالدين لازم يكونون اقرب للابناء من اي حد ثاني ولازم يعودنهم من الصغر ان يقولون لهم كل شي يصير معاهم .
لكن في هالزمن كل شي تغير لا الام صديقة بنتها والاب صديق ابنه
تعتقدون
ماهو السبب الذي يحول دون المصارحة بين الآباء والأبناء؟
و كيف يكسر الآباء الحواجز التي تؤثر على العلاقة الودية بينهما؟
ارجو منكم المشاركه والنقاش في هذا الموضوع اللي من وجهة نظري اشوفه مهم
معااااا تحيااتي
ولد آل مكتوم
واظني للنقاش هو ^_^
ماهو السبب الذي يحول دون المصارحة بين الآباء والأبناء؟
طبعا بدون فلسفه السبب انا بخبركم عن قصتي لاني مريت بهاي المرحله انا يوم كنت صغير يعني بسن الارع سنوات فما فوق كنت الاقي الضرب من ابويه والسبب لاني كنت مشكلجي عود يعني مثال اني ما اذاكر واني العب واني اوسخ البيت يعني من هالاشياء الصغيره وطبعا الاب يبي مصلحت ولده لكن كيف طبعا فيه بعض الابهات التربيه عندهم بالضرب والغير التربيه عندهم بالتفاهم وحكمة العقل لكن انا ما حصلت غير الضرب بشو كانت من اداة ضرب لين ما كبرت قمت اخاف ما اقدر اتكلم حتى يوم اني احتاج لشي اخاف اني اقول لابويه واذا فيه ضرابه او اي شي يعني مثلا واحد سبني وانا ما اتقبل السب ابي اضارب هالشخص اكون خايف منه من داخل قلبي ويوم اتحجم عليه اضرب وانضرب لكن بعد ما انتهي من الضرب عيوني تدمع من خوفي وينتهي وهذي بعض من قصة حياتي وانا صغير والحمدلله الضرب يابلي نتيجه لكن دخلي الرعب بقلبي والخوف وانا صغير والحمدلله تخلصت منه وهذا سبب من كتمان اسرار الابناء على الاباء
و كيف يكسر الآباء الحواجز التي تؤثر على العلاقة الودية بينهما؟
يكسره كبعا بطريقه وحده واهي انه يحاول انه يكون الاب هو الصديق والاخ لابنه مثل حالي اللحينه انا وابويه اكثر من كلمت ربع بالخير والشر نحن ويا بعض ما اكتم عليه بشي حتى اذا تعرفت على وحده مثلا اقوله وما يزعل وهو مخاوني ويقول انت ريال وانت كبرة وتعرف الصح من الغلط طبعا بعيد عن سوالف المخدارت وغيرها فأتمنى من الاباء انهم يحاولو انهم يتقربو من عيالهم عن طريق التفاهم والموده وبدون الخشونه لان كل مشكله ولها حل وكل موضوع وله رد وهذا رايي واسمحولي على التطويل اخوكم سواااااااف
خخخخخخخخخخخخ
ع العموم اظن انه عناد او خوف من موقف الاباء
تانكيو ع الموضوع
