البارت 1
في بيت أبو حمد في الصالة الساعة 10:00 الصبح حمد يتكلم في المبايل ماله يكلم هزاع وفطامي يالسه على الاب توب ومضايجة من حمد ..
حمد : أحلف أنته بس …. والله أنك عجيب…..
فطامي في نفسها : عنبوا من يكلم هزاع لازم يتمصخر..
حمد : هزاع حبيبي صبر أنت على بس أنا الحين بيك
سكر حمد عن هزاع
فطامي : حمد بتسيير عن هزاع ؟؟
حمد : شو يخصج ؟؟
فطامي : بسير عن أمون و غلوي
حمد : مب لازم .
فطامي : لا لازم أنا متوله عليهن
حمد : حش أمس سايره لهن
فطامي : أنزين المهم خطف الليل واليوم يوم ثاني
حمد : أف يلا تلبسي
فطامي : ياسلام
سارت فطامي حجرتها وتلبست ونزلت شافت حمد ركب السيارة سارت وركبة السيارة وفي الطريق ..
فطامي : مسرع ما ركبت السيارة ..
حمد : قل هو الله أحد..
فطامي : الله الصمد .. ولا عشان هزاع ..
حمد : أكيد يعني منو بسير أجابل السبلان
فطامي : يعني هزاع سبال !! 0.0
حمد : جب يلا ما أرضي عليه
فطامي : ليش عاده ؟؟..
حمد : هذا حبيبي و رفيقي و أخوي ..
فطامي : كل عشان هزاع ؟؟.
حمد : عيل منو السبال ..
فطامي : بس عاده شو سالفة السبال اليوم..
حمد : هيه والله السبال يترياج في حديقة الحيوان مسجل وياج موعد
فطامي : ههه مشكلة اللي ما عنده نكته وينكت ..
وصلوا حمد و فطامي بيت أبو هزاع وهم داخلين كان أبو هزاع طالع ساير مشوار
حمد : هلا عمي أشحالك ؟؟
أبو هزاع : بخير والحمد لله و أنت شحالك ؟؟
فطامي بصوت خفيف : حمد متعلق بالسبلان ..
أبو هزاع : هاه ؟؟
فطامي : ما شيء عمي سلامتك
أبو هزاع : هيه عيل الربع فوق يتريونكم
سار كل واحد في صوب فطامي سارت عند أمون وغلا و حمد سار عند هزاع و الشباب .. عند غلا و آمنة في الغرفة دخلت عليهن فطامي ..
فطامي : صباح الخير
أمون و غلا : صباح النور والسرور
فطامي : أف أخيرا ً وصلت
أمون : ليش (( أخيرا ً وصلت ))
فطامي : ما تدرين شو مسوي حمد فيه
غلا : حمد شو مسوي ؟؟
أمون : سواد ويهه
فطامي : لا معلق على كلمة سبال ..
أمون : ههههههههههههه
فطامي : شو يضحك ؟؟
أمون : الكلمة تضحك شو يبغي بالسبال
غلا : يحدد وياه موعد هعهعهعهع
فطامي : حليلج ما تعرفين شو قايل عني ؟؟
أمون : شو شو ؟؟؟
فطامي : السبال يترياني في حديقة الحيوان
أمون وغلا : ههههههههههههه
فطامي : جب يلا أنا أروي هذا الــ… الـــــ..
أمون : الـــ شو ؟؟
فطامي : يلا نسير عند الشباب شان ما فضحتك يا حمد
غلا : شو بتقولين ..؟؟؟
فطامي : أنا أراويج …
ساروا فطامي و أمون وغلا عند الشباب
فطامي : هلا والله
الكل : أهلين
حمد : نعم شو تبين ؟؟
فطامي : يت أسلم على سبلانك
الكل : شو ؟؟
فطامي : ما تدرون شو قال ؟؟
هزاع : يلا قولي بسرعة
فطامي وهي مبتسمة ابتسامه : من أعيوني قااااااااال ….
سيف : شو قال ؟؟
فطامي : أكيد يعني منو بسير أجابل السبلان
الكل : حمد نحن سبلان و أنت شو ؟؟
حمد : ملاك
هزاع : نعم ؟؟..
حمد : لا أفا أنت أنت ملاكين
هزاع : احم
سيف : و أنا ؟؟
هزاع : سبال
سيف : شو ؟؟ خلا ص أنا زعلت ..
فطامي : تفككت العلاقات .. باااااااي
طلعوا البنات وهن ناقعات من الضحك ووصلوا داخل حجرة غلا ويلسن يسولفون أما الشباب >> حليلهم يكونون العلاقات من أول ويديد ..صارت الساعة 12:00 الظهر
روحوا كلهم بيوتهم وساروا يتغدون و اللي سار يرقد و اللي سار على الاب توب دخلن البنات كلهن المسن أمون وفطامي وغلوي و نورة و شيخة
نك نيم أمون : محــــ مثلي ــــــد
نك نيم فطامي : أنــ الأحلى ــــا و أنــــ الأغلى ـــــت
نك نيم غلوي : أنـــ الغلا كله ـــا
نك نيم نورة : راعيــــ سوالف ــــة
نك نيم شيخة : راعــيـــ الفتك ــــة
محد مثلي ( أمون ) : هلا بنات شحالكن ؟؟
أنا الغلا كله ( غلا ) : أهلين بخير
راعية سوالف ( نورة ) : بخير والحمد لله
راعية الفتك ( شيخة ) : شو الإجازة وياكم
محد مثلي ( أمون ) : كشخة فاتج اليوم
أنا الغلا كله ( غلا ) : ههههههه فطامي مستقويه
راعية الفتك ( شيخة ) : ليش شو صار ؟؟
محد مثلي ( أمون ) : هع هع فطامي وينج ؟؟
أنا الأحلى و أنت الأغلى ( فطامي ) : بنات شو رأيكم نسير باجر العزبة
الكل : هيه
أنا الأحلى وأنت الأغلى ( فطامي ) : يلا باي أشوفكم باجر
راعية سوالف ( نورة ) : باي باي و أنا بطلع بعد سي يو
بعدين الكل طلعن من المسن محد تم الكل مستغرب ليش فطامي و نورة طلعوا بسرعة ؟؟؟
تابعوا البارت 2